Veten på Eldsfjellet er kjent i frå fleire kjelder, plasseringa er truleg på høgste punkt på vestre del av Eldsfjellet, her er i dag ein steinvarde og ei røys i søre kant av anlegget. Fjellet er utan vegetasjon og relativt flatt. I 2025 vart det gjort ei arkeologisk registrering av røysa sør for steinvarden ved BCON prosjektet. Veten på Eldsfjellet var truleg del av kystvarslingssystemet som gjekk frå sør og nordover. Vetesystemet skal ha blitt etablert så tidleg som på 900-talet, men har etter 1100-talet vore ein viktig del av landvernet til kongeriket Noreg og seinare i dansketida. Veten skulle signalisera i frå Lyderhornsveten i sør langs skipsleia nordover. Neste kystvete stod truleg på Fedje. Signalet frå veten gjekk og austover.