Dette arealet omfattar øvre og austleg del av staden for Gulatinget. Det opphavlege tingområdet har strekt seg vidare sør til den lune vika i Eivindvikbukta. I tingområdet står det to steinkrossar frå vikingtid – tidleg mellomalder, ein i Krossteigen og den andre ved kyrkja der det også stod kyrkje i mellomalderen. Store delar av resten av tingområdet er i dag nedbygd med hus, vegar, parkeringsplass og gravplass.