Hordvikveten låg på toppen av fjellet, i dag er her ein steinvarde og eit støypt målepunkt. Varden er truleg ei markering av toppunkt på fjellet og yngre enn vetebruken. Ein kan likevel ikkje utelukke at deler av vetestaden ligg under steinvarden. Det er vidt utsyn i frå vetestaden, men det er vakthustufta som ligg nordaust for veten som viser kva samanheng vetestaden har hatt i forsvarssystemet.