Frå Per Fett, 1965: Haugen er halvhundre meter høg, ved foten om lag 250 x 75 m NNV-SSO og toppen er ca. 175 m.o.h. Vestsida er loddbein 5-10 m opp frå foten. Austsida er heilt loddbein. Sørenden er loddbein øvst i SO, i SV er eit bratt sva og midt i er eit 2 m breitt skard. Her der det råd å kome opp, så her er stengt med ein 12 m lang mur VNV-OSO. Frå NV er borga greitt tilgjengeleg opp ein bratt bakke, som litt over midtvegs er stengd av ein mur NNV-SSO med 2 m brei opning. S for opninga er muren 18 m lang. N for er han 7 m lang og svingar så mot O, i alt 20 m frå opninga. Passasjen innover er langs ein låg hamar i S, ein 2,5 m lang stein i N. Frå murhjørnet i NV til enden på borga i SO er det 130 m. Eit øvste platå er ca. 50 x 40 m N-S. Frå Aksdal, 2004: Murverket er bygd av lokalt funne stein og er ikkje tilhogd i det heile, konstruksjonen er såleis noko laus tørrmuring. Breidda på murverket varierer, men er på det tjukkaste over 1 m (i NV). Muren føl berget, som fleire stader har steile sider, og muren får slik ei god høgd. Murane er i dag delvis inntakt, men stadvis er det svært mykje som er utrasa eller utkasta, særleg i V og S. I S kan ein sjå at muren er bygd om, eller ¿restaurert¿ i nyare tid.
