Rideveg, utvida til ein mellombels framdriftsveg for køyreveganlegget i 1950-åra frå Rygnestad inn til Vasstøylbrua (og vidare inn til heimre enden av Store Bjønnevatn). Ridevegen frå Vasstøylbrua til Skafså ligg attgrodd på dei strekningane der han ikkje lenger er i bruk, men det finst ennå restar av løypemerkinga (ridevegen blei merka av turistforeininga i 1889 då Bjørnevasshytta blei bygd). Ridevegen var i bruk fram til 1965 då køyrevegen var blitt ferdig bygd.