Øvre Mannevegen gjekk frå Meland over Kvednhusbraunè (over austre faret av Grytånè) og så over Jentesprangjet (over vestre faret av Grytånè) og rundt nordsida av Furåsen og ned til Gryteskog på Nøkland. Nedre Mannevegen gjekk frå Meland over Kvednhusbraunè (over austre faret av Grytånè) og så over Nøklandssprangjet (over vestre faret av Grytånè) og rundt sørsida av Furåsen og ned til Gryteskog på Nøkland. Vidare var det éin felles veg, men han ligg øydelagd av skogsbilveg. Han kan ha vore ein del av den gamle ferdsleåra som gjekk om Rossevatn - Farhommen - Farhomvadet - Mjåland - Røylandsvadet - Røyland - Selandsvadet - Seland - Haughom og med båt vidare frå Haughom over til Viragsstronda der dei heldt fram over heia til Rogaland.