I nordenden av Lona ved Åsen ligg der restar av svært gamle jordstemmar som tidlegare tvingde bekken austover. Ein kan følge det uttørka kunstige bekkefaret 5-600 m bortetter. Der det hallar mot nord, ligg det på nytt ein voll av jord og stein på yttersida. Det uttørka kunstige bekkefaret krokar seg bortetter, men går i bein line over Sessmyr med tydelege vollar av torv, går over Bjønnåsen og rundt nabbane like sør for Gåseflåvegen fram til Holebekkmyra. Der sluttar det uttørka kunstige bekkefaret. Éin teori er at bekken rann ned til ei kvern som skal ha stått midt mellom Gåseflå og Øvre Gåseflå. I alle fall ser det ut til at dei gav opp å bruke denne kunstige bekken innan 1812.