Stratigrafien på Inste Bårdvikneset er ganske enkel. Under eit torv- og mold-dekke er det eit konsentrert, uforstyrra trekollag. Under dette trekollaget er det ein fin grå silt. Nedover prøvestikket vert denne silten grovare og går over i blokk-storleik. Nokre stader vart prøvestikka gravne ned til sikkert grunnfjell, men dei fleste vart avslutta der ein trefte på store blokker. I nokre av prøvestikka er det stein rett under torva med silt og grus innimellom. Det er gjort 21 prøvestikk på Inste Bårdvikneset. Alle inneheld det aktuelle trekollaget.