Nedre heller var ein heller under steinblokk som kvilde på ei anna steinblokk, opptil 1 m høg, med livdemur i begge endar, inngang frå nordvest. Liggjeplass til to. Her blei ikkje funne kol. I fjellsida rundt 130 m lenger nordaust låg det ein øvre heller, opptil 0,7 m høg, med livdemur under steinblokk, inngang frå vest. Livdemuren var mura både mot vest og sør og vinkla i det sørvestre hjørnet av helleren. Nordvestre del av golvet, der helleren var opptil 1,3 m høg, til venstre for inngangen, var eldplassen, og kollaget gjekk 0,25 m nedover. I det sørvestre hjørnet av helleren blei det funne jern og flintavslag. Det er sannsynleg at det var driftelege både her og på nabolokaliteten vestafor i åra 1792-1908. Under vatn frå 1968.