Nordaust for Stenrud gbnr. 22/5 ligg eit område som i dag består av tett lauvskog. Dette vart tidlegare nytta som slåtte/beitemark, men har i dei seinare år vakse igjen. Nord for marka ligg Høgskulen i Molde, og dyrkingspora vart funne like aust for parkeringsplassen som ligg sør for høgskulen. I to prøvestikk vart det funne eit kolhaldig sandlag som er tolka til å vere eit dyrkingslag. Lokaliteten utgjer 40,72 m2. Datering viste at dette laget er frå førromersk jarnalder, 403-211 f.Kr. (2280 +/- 30 BP, Beta 479148).