Husmannsplass med fire tufter og restar av dyrka mark, rydda i 1850 og busett til 1890. Dei som budde her, var ekteparet Gunnår og Guri med seks born. Under folketeljinga i 1865 heldt dei 1 hest, 4 kyr, 10 sauer og 7 geiter. Dei dyrka 5 tønner korn og 2 tønner jordeple (poteter). Under folketeljinga i 1875 var familien skrumpa inn til Gunnår og den eine dottera, og dei heldt 3 kyr, 8 sauer og 3 geiter. Gunnår døydde i 1889, og dottera flytte ifrå i 1890.