Lengst ute på knausen vantar det i dag steinar/blokker slik at røysa tek først til kring 1 m innafor kanten. Men nedanfor knausen i V ligg ein heil del steinar/blokker, truleg utkasta frå røysa slik at ho opphaveleg har lege heilt frampå. Den attliggjande delen av røysa er kring 8 x 12 m vid orientert N-S. Røysa er 0,3 - 0,5 m høg. Røysa er bygd av 20-60 cm store steinar/blokker. Dei fleste av desse er kanta og er for det meste tilgrodde med mose. I røysa ligg nokre helleforma blokker, knapt 1 m vide, og ei firkanta blokk, 225 x 40 x 30 cm stor. I røysa veks nokre få einebusker. Kring 50 m lenger mot NV ligg ein annan men ikkje så markert knaus. Oppå denne ligg eit lag med steinar/blokker, til dels overgrodde av mose og torv. Dette kan om mogeleg vera botnen av ei røys som kan ha lege på knausen.