Husmannsplass under Engeland, men frådelt som eige bruk i 1857. Under folketeljinga av 1875 bur her ein sersjant som heiter Gunnar. To av sønene hans er underoffiserar, ein son arbeider på nikkelverket i Evje, og ein son går i skomakarlære. Her er to kyr og ni sauer. Her blir sådd ei kvart tønne bygg og ei halv tønne havre. Her blir sett tre tønner jordeple. I 1901 blei Lundan selt tilbake til Engeland. Tufta etter setehuset er på ca. 6 x 10 m der vestre rom var stove med kjellar på 4 x 4 m, og der austre rom var eldhus med are og ljore. Ljoren stod nær stoveveggen. Tufta etter uthuset er på 6 x 14 (?) m. Innmarka blei tilplanta med gran i 1970-åra.