Storevannet er stemt opp på to stader. Vestre stem for Storevannet var ein tre-stem med ei enkel luke som regulerte det naturlege utlaupet ned mot Lona i Åsen, der det stod sag og kvern, der bekken igjen delte seg i ein naturleg bekk ned til ei sag ved jernbanetunnelen ved Otra og ein kunstig bekk (Den fyrste Storevannsbekken) ned til Otra lenger aust. Austre stem for Storevannet var ein stein- og jord-stem med ei enkel luke, og med reguleringshøgd 1 - 1,5 m, som regulerte det kunstige utlaupet (Storevannsbekken) forbi Den gamle saga og vidare nedover mot Gåseflå der det stod kvern og sag. Stemmane for Storevannet og både Den fyrste Storevannsbekken og Storevannsbekken med all denne gardsindustrien må ha blitt bygde ein gong mellom 1800 og 1812. Bekkane blei brukte til kverner, sager, vatning av dyrka mark og etter 1870-åra også til drift av treskemaskinar. I Åsen blei kverna brukt til 1914 og saga til 1945. Øvre Gåseflå sag ved jernbanetunnelen var i drift til 1914. Saga og kverna på Gåseflå blei tidleg nedlagde.