Området er synleg i terrenget som ei graskledd flate inn mot ein bergknaus. Lokaliteten er avgrensa av negative prøvestikk. Det er ingen synlege moderne forstyrringar, men området er såpass flatt at det kan tenkast at det er planert. Stratigrafien består av Lag 1: 5 cm torv over lag 2: 15 cm brun, humushaldig, sandhaldig silt. Under dette er lag 3: eit 17 cm tjukt mørkebrunt/svart, kolhaldig, humushaldig dyrkingslag. I botn er lag 4: 10 cm sand og stein før berg.