Ho var ei av Straumsvassgruvene der det vart teke ut kopar. Her var gruvedrift i 1844-1850 av Sætersdalens Kobberværk ved konsul Reinhardt. Koparsona vender nord-sør. Dei koparførande pegmatittgangane er avdekka 200 m bortover med grøfter og skjeringar. Nokre stader er kopargangane fylgde gjennom skjeringar, andre stader er det sprengde ned djupe sjakter. Dessutan går det ein stoll frå aust til midt i gruvefeltet som går vidare gjennom ein slepsynk og opp til ei skjering. Nå er dei gamle skjeringane og grøftene heilt attgrodde. Smelteomnen stod i Åraksbø.