Lokaliteten ligg delvis på ei flate og delvis i hellande terreng i ulik grad. I nordleg del av lokaliteten, der mesteparten av funna er gjort er det ei fin, naturleg flate. Flata har utmerka plassering i terrenget med god utsikt over Førdefjorden og ut til fleire av bygdene rundt Førdefjorden. Den har og gode solforhold. Den hallar bratt nedover mot søraust, sør og sørvest for terrenget flatar noko ut. I midtre og sørleg del er terreng svakt hallande nedover mot søraust. Mot nord til nordaust vert lokaliteten avgrensa av plangrensa. Men flata held frem i ca. 20 meter utanfor planområdet og truleg gjer også funna det. Lokaliteten er avgrensa av negative sjakter, plangrensa og av topografien rundt. Lokaliteten ligg mellom 89 og 109 m.o.h.

Lokaliteten består av 6 positive sjakter og 3 positive prøvestikk. Dei positive prøvestikka og den eine sjakta resulterte i eit einfasa dyrkingslag i sørleg del av lokaliteten. Dei 5 sjaktene på flata ovanfor i nordleg del av lokaliteten resulterte i fleirfasa dyrkingslag og kulturlag, og fleire strukturar som stolpehol, kokegrop, grøfter, steinsamling og fyllskifte. Eit stolpehol vart datert til yngre bronsealder (776-538 cal BC).