Feltet har ei samla utstrekning på kring 100x70 m, orientert VNV-OSO. Avgrensinga mot V fell saman med bytesgjerdet mot bnr. 11. Mot O går avgrensinga på austsida av ein NNV-SSO-gåande rygg som er tilvaksen med store grantre. Innan feltet er det ei rekkje med avfallshaugar og fleire brotstader. Dei mest markerte brotstadene finn ein i sørveggen i eit NV/SO-gåande hamralag om lag midt i feltet. I vestre kant av dette hamralaget er det ein heil vegg med kvernsteinssirklar.Kring 50 m S for dette store feltet, nedunder nokre bratte hamrar der det renn ein bekk, i nivå med fylkesvegen, ligg eit lite felt med brotstad og avfallshaugar.