Søraust på Losna ligg eit kvernsteinsbrot. Steinen er granatglimmerskifer, av same typen som førekjem i området rundt Åfjorden i Hyllestad. Brotet ligg i tett lauvskog i slakt SA hellande terreng. A for brotet renn ein bekk. Kvernsteinsbrotet på Losna var nok i bruk då aktiviteten i Hyllestad var som størst, rundt vikingtid-mellomalder. Halvferdige kvernsteinsemne står att i berget. Bjarne Akse frå kvernsteinslauget i Hyllestad seier at sprekker i berget har medført at Losna granatglimmerskiferen var vanskeligare å jobbe med enn skiferen frå Hyllestad.