Haugen er kring 11 m i tverrmål og opp til 1,5 m høg sett frå O. Han syner tydeleg i terrenget, men er delvis uklårt markert, då han er utkasta i SV. Haugen er òg avflata på toppen. I nederste kant i SO er det eit svakt søkk. Haugen er heilt grasvaksen. Utafor S-kanten av haugen står ei stor selje og ei mindre. Haugen kan ikkje heilt utan tvil tolkast å vera eit fornminne, då det i området ligg nokre liknande men større haugar.