Nausttufta er kring 12 m lang og orientert NO-SV. I nedre (nordaustlege) del har tufta ei indre breidd på kring 3 m. Veggvollane som er bygde av jord, er 1,5 - 2 m breie og 0,5 m høge. Botnen i tufta er her grasvaksen. Øvre (sørvestlege) del av tufta er tilgrodd med tett lauvtre- og klungerkratt, slik at det er vanskeleg å få eit inntrykk av korleis denne delen av tufta ser ut. Nedre del av tufta har truleg blitt skadd ved oppsetjinga av naustet, medan øvre del kan ha blitt skadd under bygginga av naustvegen.