Askeladden ID 310817 vart funnen i sjakt 3. Sjakta var om lag 24 meter lang og rundt 2-2,5 meter brei. Hoddevikvegen låg om lag 1.8 meter frå sjaktekanten i vest og i aust gjekk ein telekabel og fiberkabel parallelt med sjakta. Sjakta varierer i djupne frå 100-120cm. I nord er det tatt eit djupdykk ned på om lag tre meter. Sjakta består av sand i ulike sjatteringar og det ligg ubrent bein i heile sjakta og trekol innimellom. Det er nokre få fragment av brent bein.

I sjakta vart det funnen to strukturar som er tolka som flatmarksgravar (enkeltminne -1 og -2), samt eit dyrkingslag (enkeltminne -3). Lokaliteten ligg i flat slåttemark like ved vegen. Sidan arbeidsarealet er såpass lite, er det vanskeleg å sei så mykje om utstrekking, men det er rimeleg å anta at lokaliteten strekk seg vidare i alle retningar.