På Utsikta som er det høgste partiet av Ottamarka mot vest vart det funne ei førhistorisk dyrkingsflate. Området ligg ca. 28-30 moh på gbnr. 697/101-102. Dyrkingsflata ligg på ein bakketopp som er omkransa av tett lauvskog båe mot vest, sør og nord. Terrenget heller moderat mot aust og her forsvinner dyrkingslaget. Dyrkingslaget vart datert til førromersk jarnalder (2120 +/- BP). Det har vorte delvis forstyrra av moderne dreneringsrøyr mot nord og vart ganske utvaska i store delar av undersøkingsområdet.