5 kokegroper funne ved maskinell sjakting. Fire stykk ligg samla på ei smal hylle i landskapet, som skrånar nedetter mot nord. I sør går terrenget bratt opp til Gamle Kongevei. Mot aust og vest er det ei slakare helling av terrenget nedover. Ei kokegrop ligg for seg sjølv 37 meter aust for dei fire andre, i slakt hellande terreng mot nord. Felles for alle er at dei ligg på tørr, raudbrun podsolsand, som skiftar til meir fuktprega gråspetta sand i nord. Altså ei ganske klassisk plassering for mange kokegropfelt - liggande i kanten av våtmarksområde.