Vindholmen var tidlegare breitt nes i Tromøysundet, på fastlandssida. Det var nokre få hus der, men det var gode stader å legge til her litt vekke frå folk. I løpet av 60-talet vart Vindholmen gjort om til eit industriområde, og kantane vart bygd ut slik at dei naturlege hamnene forsvann. I dag er det nokre moderne bustadblokker her, og området er under utvikling.

Det var tidlegare vanleg at fleire romanibåtar låg her lenge, òg om vinteren. Det var då svært kaldt å bu i båtane. Dei reisande skal ha hatt eit godt forhold til nokre av dei fastbuande i området. Fram til siste halvdel av 60-talet var nok dette ein fredeleg og praktisk stad å ligge. Det er uvisst om Vindholmen eller området rundt vart brukt av båtreisande òg etter at det kom industri her.