Gropesteinen måler 2,4 x 1,8 m, orientert VSV-ONO, og er om lag 0,5 m høg i SO. Nordre del av steinen hallar slakt mot N. Steinen har 106 sikre groper som er spreidde over heile steinen med unnatak av vestre kant. Av gropene er det 14 som har oval form, desse er frå 7 x 4 cm til 15 x 4 cm store, djupna er frå 1,5 til 6 cm. Dei andre gropene måler om lag 3 til 6 cm i tverrmål og er frå 1,0 til 4,0 cm djupe. Steinen er noko tilvaksen med lav, men alle gropene er godt synlege.