Lokaliteten ligg på Bøland, om lag 2 km oppover Mittetdalen. Nedgravinga er funne like ved tunet, og på ein markert rygg i terrenget. Om lag 30 m lengre aust, i ei rotvelt like ved eit uthus, er det også funne eit lite flintavslag. Herfrå er det vidt utsyn, både mot fjorden i nord og fjella i sør. Ut frå både gardsnamnet (av norr. ból eller bœli n., fl., ‘opphaldsstad, bustad, gard’) og lokal tradisjon kan det har vore gardsbusetting i området i eldre tid, men på grunn av ras skal dette ha blitt flytta lengre fram i dalen.