Lokalitet påvist ved maskinell sjakting på arkeologisk registrering, i samband med detaljregulering fv. Høyheimsvik-Nes. Registreringa vart gjennomført i to delar, del 1 i haust 2023 og del 2 våren 2024. Lokaliteten vart registrert i april 2024.

Det vart grave 12 funnførande sjakter innanfor lokaliteten. Alle desse inneheldt førhistoriske dyrkingslag, medan sjaktene 3.2, 3.3, 3.4, 3.5, 3.7, 3.2, 3.20 og 3.21 også gav funn av strukturar. Under graving dukka det opp nokre moderne dreneringsgrøfter, men det var likevel lite spor etter moderne forstyrring innanfor lokaliteten. Det er relativt skrint der, men likevel ligg strukturane uforstyrra.

Det vart gjort funn av stolpehol som tyder på fleire langhus, ei gravrøys, dyrkingslag m.m.