Funnkartet nr. 2. Gravflokk på Bøane, lengst S på garden. No er her ingen ting å sjå, men Bendixen fortel i 1888 at her var "truffet paa rester af røser med flade stene", og 40-50 år før var det funne ei leirkrukke og eit sverd, "rimeligvis" i ei kiste. Dei par funn med "1 eller 2 lerurner.... i et gravkammer" som han nemner i 1880 gjeld sikkert same sak. Fett oppgir bnr. 11, som truleg skal vera bruk 10 som då ligg på Bøen og der eigar er Ranveig. Kartet til Fett viser og plassering til omlag bruk 10.