Restar etter husmannsplass frå tida mellom 1744 og 1848, beståande av ei tuft, åkrar, røyser og steingardar. Det er også påvist ein sterk kolkonsentrasjon som kan ha samanheng med husmannsplassen, mulegvis ei branntuft. Utskiftingskartet frå 1898 viser også at det har stått ein bygning her, mulegvis ei løe. Det har gått fleire ras i området, og som daterer lokaliteten. Dette har nok også gitt opphav til namnet, og rasfaren er også årsaka til at tunet blei flytta til lokaliteten Ruskegjerdet omkring 1850.