Palmehidleren ligg om lag 50 m frå Sagvegen. Han er 15 m vid i opninga, men er ikkje noko særleg djup. Han er godt gøymd bak kratt. Litle Palmehidleren er berre 2-3 m vid i opninga og låg, men kring 5 m djup. Her er vanlege driftsmerke. Tilleggsopplysning: I januar 1991 vart det opparbeidt ein traktorveg framom Plamehidlerane og Knut Johan Nerhus følgde då med i dette arbeidet på vegne av museet. I rapporten sin skriv han at traktorvegen no skjer av ein skalk på ca. 3 m av avfallsdungen framfor Palmehidlerane. Skjeringshøgda er ca. 60 cm i snitt. Massane som gravemaskina tok, vart undersøkte og synte seg i hovudsak å innehalda kleberpulver og kleberheller av ulik storleik og fasong. Ca. 300 kg av det mest interessante materialet vart lagra i Palmehidlerane. Knut Johan Nerhus registerte Palmehidlerane i 1988 som lok. KJN-13.