Rollandslia lok. 1 består av dyrkingsspor frå jernalder og mellomalder. Lokaliteten er 240 m². Dyrkingsspora finnes i sjakt 1 og sjakt 2. Sjakt 1 er 3 m brei på det breiaste og 20 m lang (58 m²) og sjakt 2 er 3 m brei på det breiaste og 10 m lang (29 m²). Det er funne spor etter to forskjellege dyrkingslag: S1.1 datert til jernalder (S2.2 er same lag) og S.2.1 datert til mellomalder. Lokaliteten ligg heilt sør i planområdet, aust for skogen og vest for grusbanen. Området består av open mark med berg i vestre del og myr i austre del. Lokaliteten er avgrensa i sør kor dyrkingsspora syner å slutte. Dyrkingslaga er ikkje observert aust i sjakt 2 og heller ikkje i myra i sjakt 12, så det er rimeleg å tru at spora sluttar i søraustleg retning. I aust ligg grusbanen og resten av området har djup myr, der dyrkingsspora forsvinn inn i myra. Ein kan ikkje sjå ein ende på dyrkingslaget nord i sjakt 1 og det er sannsynleg at det fortsett mot nord. Lokaliteten er difor avgrensa i nord av veiter og myr i sjakt 3. I vest er lokaliteten avgrensa av enden på dyrkingslaga og berget.