Rideveg, i bruk som presteveg i 1760-1841 då Fjotland sokn høyrde til Hægebostad prestegjeld, rusta opp til sledeveg i 1871 med 1,4 - 2 m breidd, så pass at ein kunne koma fram med hest og ei tom kjerre eller med hest og ein tom karjol, om vinteren med hest og slede. Han var i bruk til 1942 og hadde status som offentleg rideveg til 1942 som den siste i Vest-Agder. Han ligg heilt attgrodd av lyng og er somme stader vanskeleg å få auga på.