Lokaliteten består av dyrkingslag funnet i sørleg del av sjakt 5. Terrenget er svakt hellande nedover mot sør-søraust. Laget er tjukkast i nedste del av sjakta. Lokaliteten er avgrensa med negative sjakter og prøvestikk mot nordvest, vest og sør. Mot nordaust og aust vert den avgrensa av infrastruktur og busetnad.

Det vart tatt ut tre kolprøver frå dyrkingslaget, KP1-3 frå lag 4-6. Alle vart sendt inn til datering. KP1 frå lag 4 vart datert til seinmellomalder-nyare tid (1479-1640 cal AD), KP 2 frå lag 5 vart datert til seinmellomalder-nyare tid (1490-1604 cal AD), og KP3 vart datert til høg- til seinmellomalder (1305-1365 cal AD).