U-forma steinkonstruksjon. Det kan vera ei likkvile, men steinane her er større og tyngre å flytta på enn slik dei plar vera i likkviler, og her ligg det steinar oppå einannan til ei jamn høgd som ein kan sitja på, ulikt slik det plar vera i likkviler. Så det er vel heller ein benk til å sitja på. På svaberget rundt denne U-forma steinkonstruksjonen er det skrivne fleire initial med hjelp av småsteinar på skråberget: I nord KSDR og ein høg varde (sjå eigen lokalitet), i aust KSDR og OLA (sjå eigen lokalitet), i sør TA (= Tønnes Andrias Tønnesson Oksefjell f. 1873 d. 1937), i vest SAR, ASN, ER og OA.