Gryteberget 1 er ein markant bergknaus som ligg ca. 10 m S for turstien mellom Selmarhytta og Bjergane. Bergknausen er orientert mot A/V og måler 49x32 m. Høgda er på 8 m i N og ca. 3,8 m i S. Berget er sterk forvitra og til dels attgrodd av gras/lyng. Serpentintitten er raudlig grunna høgt jerninnhald. Det er tre konsentrasjonar av uttak på berget. Ein i N, ein i V og ein oppe på platået (toppen). Uttaket i N er frå loddrett fjellvegg. Her er spor av 29 gryteuttak og 21 på begynte emne. Største uttak har dm. mål på 55 cm og er 50 cm djup. Største emne er på 34 cm i dm og er 15 cm djup. Minste emne er på 15x15 cm i dm og er 4 cm djupt. Kvaliteten på bergarten er best i N. I vest er 7 uttak, 3 emne og 1 øydelagt emne synlig. Største uttak i V er på 1m i dm og er 50 cm djup. Største emne måler 48x46. På toppen av berget, lengst N er 11 gryteuttak og 4 emne synlig. Største uttak måler 85x85 cm og er 25 cm djupt. Største emne måler 76x62 cm og er 13-20 cm djupt. 124 m NNV for Gryteberget ligg ei lita blokk med to store gryteemne. Det største emnet måler 100x95 cm (uttak) det andre emnet måler 80x70 cm og er delvis øydelagt.