Datasettet som ligg til grunn for www.segner.no. Segner.no har sitt utgangspunkt i segndatabasen 'Segner i Sunnhordland' frå tidleg på 1990-talet, og var knytt til Norskseksjonen på Stord lærarhøgskule ved Bjørn Bjørlykke og Nils Tore Gram Økland. Det var ein database som var mykje nytta i undervisning og praksis både i lærarutdanning og førskulelærarutdanning. Mange studentar var òg med i innsamling av segner.

Då Høgskulen Stord/Haugesund vart skipa i 1994, vart segnområdet utvida til Nord-Rogaland, Sunnhordland og Hardanger. Då Høgskulen Stord/Haugesund gjekk saman med andre høgskular på Vestlandet 2017, vart det naturleg å utvida segnområdet til heile Vestlandet. Arbeidet med å etablera 'Segner på Vestlandet', tok til i 2016, men enno ber segnsamlinga preg av sitt opphavlege kjerneområde. Sogn og Fjordane har no kome sterkt med i samlinga. Likeeins heile Ryfylke.