Båtreisande kom ifølgje ein informant regelmessig til Katevågen minst fram til 60-talet og låg der. Dette var då ein stad utan vegtilgang. Dei reisande selde ting dei hadde laga til folk i området, inkludert vispar og takrenner. Rundt 1963 skulle ei romanijente byrje på Leiknes skule. Familien skulle bu i båten i Katevågen. Klassen ho skulle byrje i fekk streng beskjed om å ikkje erte henne fordi ho budde i ein båt i staden for eit hus. Det vart endring i planane, og ho dukka ikkje opp på skulen. Likevel viser denne historia at minst ein båtreisande familie hadde eit nært forhold til denne staden.