Funn av eit einegga sverd og ein meisel i jern. Sverdet vart funne i samband med undersøkingar av røyrgata til Fardalselvi kraftverk. Sverdet vart funne ved maskinell sjakting og låg berre omlag 20 cm under markoverflata. Det vart funne i tre delar. Bladet vart funne i sjakta, medan handtak et vart funne i dei utkasta massene og spissen vart funne nokre meter ovanfor og aust for sjakta. Sverdet er einegga og nett under 90 cm langt. Bladet er bøygd og sverdet har truleg vorte øydelagt før nedlegging i grava. Det har ikkje sverdhjalt eller knapp og liknar på sverdtypar frå merovingertid og tidleg vkingtid. Både sverdet og meiselen liknar på funna gjort i smedgrava på Nordheim i Sogndal i 2014. Funna på nordheim vart datert til tidleg vikingtid, 800 talet e. Kr. Meiselen vart og funne i sjakta attmed bladet. Funnstaden ligg lengst nede på jordet ved steingarden som grensar til gbnr. 67/2. Traseen for gamlevegen skal ha gått forbi like inntil og på nedsida av funnstaden. Funnet er tolka som ei delvis overpløgd grav frå tidleg vikingtid.

Utgraving 2025: Det ble manuelt avdekket et felt på 25 m². Det ble ikke påvist spor etter et gravanlegg, men fant spor etter den gamle hovedveien som gikk langs elven.